THIS LIFE NA JE-JE
Written by George O. Ndukwu
TEST SCRIPT April 19, 2013 © All rights reserved.
20 years old
Member of a Student Youth
Lives with his parents in the senior staff quarters
Lives next door to KeeCee, her boyfriend
Dr. May Okoro – Lecturer (POSITIVE)
45 years old
Lectured for 15 years
Lives in the University Campus with her family
Can be caring especially towards children
Well respected member of the community
Married with two children: Adanna aged 20 and Kachi aged 17
House: four bedroom bungalow with big courtyard
She is a Short jovial lady, 5ft 6.
Natural hair and of a light complexion
She is a very pleasant lady that smiles a lot
Husband is smart and educated
Kelechi ‘Kaycee’ (NEGATITIVE)
22 years old.
Adventurous and reckless
Drinks occasionally, don’t smoke
Tattoo on left arm
Avid soccer player and fan
Lives with his parents in the staff quarters
SCENE 1: INT. ADANNA’S ROOM – DAY
(ADANNA, KAYCEE, DR. MAY)
1. MUSIC: [bed]HIP HOP MUSIC. CONTINUE UNDER.
2. ADANNA: Kaycee stop this now! Haba. You go use your weight break this bed o.
3. KAYCEE: Baby wait now. Oya lie down very well now.
4. SOUND: BED CREAKS
5. ADANNA: You go spoil my zip, just wait.
6. KAYCEE: Sebi you promise me say na today. Say na my birthday gift e go be.
7. ADANNA: [SIGHS] Leave my skirt jare. Na so other people de take celebrate them birthday? You wan use me celebrate your own.
8. KAYCEE: Baby you know say I love you
9. ADANNA: Instead you go take your girlfriend out… [STRESSING] you dey here de put hand inside her skirt.
10. KAYCEE: Adanna, na you be my only baby, hmm… pls give me your body and your soul
11. ADANNA: See you. [IMITATES] g.i.v.e m.e y.o.u.r b.o.d.y a.n.d s.o.u.l. Wetin go come remain for my husband na?
12. KAYCEE: Hmmmmmm, my tomato jos!
13. ADANNA: Abeeegi…Leave that one. Kai you know say your body heavy. Stand up first Make I go ease myself.
14. SOUND: BED CREAKS
15. KAYCEE: If you come back we go do am?
16. SOUND: FEET SLIDES INTO BATHROOM SLIPPERS
17. ADANNA: [FROM THE TOP] Wait!…shhhh[PAUSE]…e be like say somebody dey come upstairs
18. KAYCEE: I been think say na only you dey house?
19. ADANNA: My Mumsie don land. [ALARMED] Na she! You no de hear kom. Kom. Kom, Na her step be that.
20. KAYCEE: Na here She de come?
21. SOUND: [DISTANT FOOTSTEPS FADE IN]
22. ADANNA: Oya get up from the bed [TENSED] Abeg,abeg… ehn, hold the other side of the bed sheet. Abeg make we dress the bed [AD LIB UNDER]
23. SOUND: [FOOTSTEPS STOPS. KNOCK ON DOOR 2X]
24. ADANNA: [GASPS] Yes!
25. SOUND: [DOOR HANDEL TURNS. A SLIGHT PUSH]
26. DR. MAY: [OFF MIC] Did you lock the door?
27. ADANNA: No ma, I mean yes mummy. let me open it.
28. SOUND: [KEY UNLOCKS 2X. DOOR OPENS]
29. ADANNA: Good evening Mummy
30. DR. MAY: O you are back from school. Why is the door locked? [BEAT]… who is this? … from the house opposite, eh?
31. KAYCEE: [NERVY] Yes ma, good evening ma!
32. DR. MAY: [SURPRISED] What is going on here? And why is the room dark?… will someone shut down that music… and open the windows too!
33. ADANNA: Yes Mummy
34. MUSIC: HIP HOP MUSIC. stop.
35. SOUND: [WINDOW BLINDS DRAWN OPEN]
36. DR. MAY: Ehn, Let the sunlight come in. Adanna your room is very untidy. Hmm, banana and orange peelings everywhere… [EXCLAIMS] Chineke mee! na wetin be this? What is that on the bed?
37. ADANNA: Ma… Mummy?
38. DR. MAY: I say what is this? Wetin dey happen here? Young man can you explain what that box of condoms is doing on top of that bed?
39. KAYCEE: Ma em ehm, the HIV people, … I mean some people wey dey preach against HIV share am for school today,…yes, dem say na sensitization
40. DR. MAY: And dem tell you to come use am sensitize my daughter, ehn?. Oya give it to me
41. ADANNA: Mummmmmmmmmmmmmy!
42. DR. MAY: Ok. Maybe dis na the right time to talk about this.[BEAT] hmm, Na pidgin English una wey be university students dey use for discussion eh?
43. KAYCEE: Na so ma
44. DR. MAY: Ok. Oya two of you sit down make we talk. So Young man how old are you?.. and your name? …bring de chair here, You fit siddon with Adanna on the bed.
45. SOUND: BED CREAKS 2X
46. ADANNA: Mummy him name na [STRESSES]Kaycee or Kelechi. And today na him birthday.
47. DR. MAY: Well I no know ur family well. I know say your papa and mama na Lecturers like us, if not, dem no fit live for this senior staff quarters. Your papa get four children?
48. KAYCEE: Na so ma
49. DR. MAY: Anyway you and Adanna na age mate, Na only two years you take senior am. Now make una listen carefully.
50. ADANNA: Mummy I’m a lady. Our age no suppose be public matter, biko.
51. DR. MAY: Shut up my friend. Oya wetin you know about man and woman relationship
52. ADANNA: Mummy which kain question be that?
53. DR. MAY: Look my children, our people say na Fly wey no de hear word nah hin de follow dead bodi enter ground. Young people like una no suppose to begin de kolobi like man and woman until una marry.
54. KAYCEE/ADANNA: Yes madam/ok
Notin dey wrong if two of una just be friends, just be careful how u de live and how una wan live… The best thing in life is for young people like una to wait until them marry, before dem go begin to de jolly as husband and wife.
54. KAYCEE: Yes madam
55. DR. MAY: if una wey still be students and young people begin to de do jolly-jolly, that is the one oyibo de call pre-marital sex, you fit contact yama-yama disease like HIV or you fit even carry belle.
56. ADANNA Not my portion!
57. DR. MAY: Ok oo. I don talk finish. During our own time, like about twenty years ago, when we be una age, we been dey hot oo, but we still used our tongue to count our teeth.
58. ADANNA: Mummy haba! You hot? I no believe o
59. DR. MAY: You don hear the story of the frail old woman. She say if no be for gray hair, say dem still be young guys [LAUGHTER]… I even get serious boyfriend then
60. ADANNA: Serious? Mummy where him dey now?
61. DR. MAY: If your Daddy come back, ask am. hin know[SMILING] Oya arrange this your room, then make una come downstairs come chop.
62. SOUND: [DOOR OPENS AND CLOSES. FOOTSTEPS FADE OUT]
63. ADANNA: Kaycee na wah for you o…You really prepare o, so you carry your boot wan come play away match
64. KAYCEE: Ehn now. Abi we no discuss am?… Oya come o, your mumsie don clear
65. ADANNA: Oh your mind still dey there, ehn?
66. KAYCEE: Sebi we were about doing it before your mumsie come land.[BESEECHING]A promise is a promise o
67. ADANNA: So Kaycee, all dis thing my mumsie yarn you no hear am?
68. KAYCEE: I love you now… and you know we don agree
69.ADANNA: ok, even if we must do it, we agreed to use protection. And my mama don collect am, so?.. I never do this thing before, I no wan carry belle o!
70.KAYCEE: E no matter now, eh baby. Baby you know say I be man, and na we e dey hungry pass. Hmm baby?
We for don finish since
71.ADANNA: Finish wetin? Na you sabi. [SLOWLY] Ooo leave me. Wait, mek I stand up
72.SOUND: [BED CREAKS]
Me I don’t know oooo. Wait make I go piss first.
73.KAYCEE: So we go do the jolly when you come back?
74.ADANNA: Me I dey confused. In short I no know
75 SOUND: [FOOTSTEPS FADE OUT]
76. MUSIC: [bridge] theme music