For Mind Before…

For Mind Before…

For my mind before,
My dreams don come true.
I be se,
If dem ask,
‘who will be your wife?’
I go quik quik point you.
And if dem wan take you away,
Then dem must carry me too.
But since you no care,
E no make sense to even miss you.

Because I know the things wey I don do,
I know how much I don go through,
Just to make sure se I no hurt you,
But when you leave my front,
Na with another guy I go come meet you.

Upon all this,
Mba!
You no dey guilty,
Nothing dey ever be your duty.
Even if I se I wan respect myself,
I no se I dey forbid good thing.
So if this na how to friend fine girl,
Then to hell with you and your fine beauty.

I go quit now,
Because true love na only that thing wey married people share.
Just as you no go fit see bauba and Rapa wey be like skirt,
Or shokoto wey be like shirt,
Na so e dey hard to see young lovers wey be se na true love dem share.
So if una never marry,
Wetin una get na likeeness,
Una still dey wait that stage of social ripeness,
And anything una give each other na out of emotional kindness.

Hm!
True love sef,
Na one kind mess!



4 thoughts on “For Mind Before…” by simplisilv (@simplisilv)

  1. In Nigeria literature, pidgin poetry is said to be popularised by Ezenwa Ohaeto. Now you’ve taken a bit higher.
    Well done bro.
    My best line:
    “Na so e dey hard to see young lovers wey be se na
    true love dem share.
    So if una never marry,
    Wetin una get na likeeness,
    Una still dey wait that stage of social ripeness,
    And anything una give each other na out of
    emotional kindness.”

    However, I notice that you use ‘se’ when you want to write ‘say’, etc.

  2. Pidgin poetry, very interesting!
    Great poem bro!

    One funny thing about pidgin english for poetic form be say, e dey hard to correct anything because de way you dey speak or write your pidgin fit no be de wey another person dey do him own…Lol

  3. Good but far from the stuff Ohaeto would have penned down. In some places you put in english where your pidgin vocabulary is limited. That’s not to say you can’t get better with time.

    Next time.

    P.S- in case u r gonna argue, lemme point out one of d many. ” Because true love na only that thing wey married people share.” should have been, ” tru’ love na onli dat tin wey people wey don marry get”

    Uh uh?

  4. great piece here

Leave a Reply