One night, I dey chill for house around eight
When I hear person dey knock for my gate;
I com shout, “Who be that wey dey knock that gate?
“If you spoil am you go weld am this night, straight.”
The person reply, “Don’t insult me, I’m a graduate!
“I just came to drop a letter for a person called Ate.”
I on the outside lights, the place come illuminate
I go outside, take the letter, tell am I appreciate.
I open the letter look am, the first thing I see na date
I come dey wonder why the letter arrive so late.
I waka enter house as my head begin inflate.
The letter talk say I go perform for stage!
On D-day, as I enter motor, one of the tires deflate.
I come waka small, enter okada reach the venue gate.
The seats side dey dark, but light cover the stage,
I dey feel the people eyes, though I no fit see any face.
As I climb stage, my leg dey shake, I no fit concentrate.
I carry microphone, as I wan talk, the thing begin dey gyrate.
I see another mic wey I come manage captivate.
But my mouth don dry like harmattan climate.
I just dey fumble, I no fit communicate.
I do like say I ready, come indicate.
But as I wan swallow, I no fit salivate.
I just dey sweat like say the place no ventilate.
E be like them come dey laugh me for backstage.
Shame catch me, I think say I dey hallucinate.
All the rehearsal wey I do, all don evaporate!
Sweat spread down my trouser like say I dey urinate,
Worst of all, na only me the stage light dey illuminate.
My heart beat dey echo, my body dey vibrate.
I open mouth talk wetin I no fit translate.
After all my ginger, say I be expatriate.
Then if you hear the silence enh, you go faint.
I stumble, I come form like say e dey deliberate.
Na that time my eye come clear! I no dey exaggerate.
I look up, look down, choi! It was very passionate.
So all the sweating and shaking was inappropriate.
The place was as empty as the thanksgiving of an ingrate!
Related Posts via Taxonomies
Comments
Zazu @literati
iLove, iWrite, iTreat, iDraw, iNerd, and iFun. You'd have known more about me by the time we meet, i.e when I'm signing you an autograph...Go to Zazu's profile, and read more of his/her posts.
53 Responses to “Stagefright”