Today, the sun fall out like say person dey pursue am,
I come say make I wear garment, full gadging….
Na summer, babies go full street, men go dey achohol, full swording….
As I come dey stroll down Byres road, my guy just fall out from one side
Im dey with two sweet white babies, big smile
like say pastor tell am next winter na april fool
“Guy, why you dey waka, dey look as if suffer wan finish you
Omo see Sun! Wetin dey happen for the background?
Make I control one shorty for you!”
I tell am say I just wan stroll, feel the breeze, soak the atmosphere
Im look me well well, ask me say if I be weather reporter
I tell am say toto nor dey finish.
As I continue my waka, im send me text
Im wan track me for fifty pounds on code for the babies to light small fiya
Say im need save im money for the post study visa
Ahhh….Summer! See babies full street, men dey achohol, everybody dey jolly.
Wetin man go do? Imbibe small summer folly….